ما بقا شـيء أخـاف اليـوم فقدانـه
سود الأيـام ..ماخلّـت .. ولا حاجـه
كـل معنـى جميل..اليـأس عنـوانـه
مابقالي أمـل ..وأعيشـك .. افراجـه
كـل الأحـلام ..بالحرمـان غرقـانـه
مابقا شـيء مغرينـي.. و..محتاجـه
كانت الـروح ..قبـل أعـوام ولهانـه
قبل يكبر شقاي..ويكثـر .. ازعاجـه
رحمة اليأس نعمـة .. والصبـر دانـه
ماشكيـت البحـر ..وملاطـم أمواجـه
شلت حزنـي بروحـي ..خله..وشانـه
وش تبي دام حظي ..طافـي أسراجـه
من جميع النواحـي ..عـاش حرمانـه
قلبي ،اللي.. تعيس الحـظ .. كرباجـه
من عذاب الليالي ..رويـت أغصانـه
وارتوى من شقاه .. وهـرج هراجـه
حطمـتـه الليالي..والـزمـن خـانـه
من حوادث زمانه .. عز .. مخراجـه
اعترف لـك حزيـن ..وعز..نسيانـه
عن زخارف زمانه..صـك .. مزلاجـه
والطـعـون القديمة..بصمـةافـلانـه
والقديـم أبجديـد الجـرح يتـواجـه
من ظروفه ، يعاف ..وعـاف خلانـه
ماوجد..فـي جميـع العالـم أعلاجـه
وأنت، ماأنت العوض..عن قسوة أزمانه
هقوتـه فيـك خابت..ماأنـت هداجـه
والقصائـد عـزاه.. وفيـض وجدانـه
هي زهابه ..مـادام الحـزن منهاجـه
وش بقا.. مابقـا ..مااخـاف فقدانـه
قلـت: والشـاهـد الله..مابقا.حـاجـه
![^~*¤©[£]rose[£]©¤*~^](https://2img.net/h/www.galileo-web.com/photoblog/images/rose.jpg)
Accueil 
S'enregistrer 
Connexion 
2008-01-30, 17:13
